التخلص من التوتر عند مقابلة الناس

كتير مننا بيعاني عند مقابلة الناس ودايمًا بيحس بالتوتر والضغط في المناسبات الاجتماعية أو التجمعات الكبيرة أو حتى الصغيرة وفي أسباب شائعة بتكون السبب في التوتر دا زي الخوف من النقد أو الرفض، الاحساس بعدم الكفاءة الاجتماعية، الخجل والاضطراب الاجتماعي، الضغوطات الشخصية والاجتماعية، الخبرات السابقة السيئة، بالإضافة لعدم الثقة في النفس والتقدير المنخفض للذات.

بالتأكيد فهم النقاط دي والتركيز على حلها بيساعد بشكل كبير في التخلص من التوتر عند مقابلة الناس.

في طرق فعالة كتير لعلاج الخوف من الناس والخجل، وكمان بتساعد في التخلص من التوتر عند مقابلة الناس من أهمها:

1. التنفس العميق:
• التنفس بعمق وبطء عند الاحساس بالتوتر بيساعد على تهدئة الجسم والتركيز.

2. التحدث إلى نفسك بإيجابية:
• تكرار العبارات المشجعة لنفسك زي "أنا هقدر" أو "كل حاجة هتبقى كويسة" بيساعد في التخلص من الأفكار السلبية.

3. التركيز على اللحظة الحالية:
• التركيز على اللحظة الحالية بدل التفكير في المستقبل بيساعد في عدم الانشغال بالمخاوف.

4. الابتسام والتواصل البصري:
• ابتسم بلطف عند مقابلة الناس وحافظ على تواصل بصري مناسب لإظهار الثقة والاهتمام.

5. الممارسة والخبرة:
• كل ما زادت خبرتك في مقابلة الناس، كل ما قل التوتر.
• خليك عارف أن ارتكاب الأخطاء أمر طبيعي والمهم تركز على أنك تتعلم منها.

6. طلب المساعدة من الأصدقاء والعائلة:
• شارك مخاوفك مع أشخاص موثوقين ممكن يقدمولك نصايح أو دعم عاطفي مفيد.

التدريب والممارسة المنتظمة على استراتيجيات العلاج المذكورة هتساعد في التخلص من التوتر عند مقابلة الناس بالتدريج.

أوقات كتير بيكون الشخص معندهوش أي مشاكل في التعامل مع الناس ولكن بيحصله حالة من التوتر عند التحدث مع شخص معين ودا بيرجع لأسباب مختلفة من أهمها:

1. الخوف من الحكم أو النقد:
• لو الشخص دا معروف بكونه ناقد أو قاسي، ممكن تحس بالقلق من أنه يحكم عليك، بالإضافة للخوف من الفشل في إظهار أفضل صورة لنفسك قدامه.

2. عدم الراحة مع الشخص:
• لو علاقتك بالشخص غير جيدة أو شعورك بعدم التناغم أو التوافق الشخصي ممكن يسببلك الشعور بالانزعاج والتوتر.

3. الاختلافات في السلطة أو المكانة:
• لو الشخص في موقع سلطة أو في مكانة أعلى منك، ممكن تحس بالقلق أو الخوف من عدم القدرة على التعبير بحرية أو إظهار ضعف.

4. الذكريات السابقة السيئة:
• لو عندك تجربية سابقة سيئة مع الشخص ممكن خوفك من تكرار الموقف المؤلم يولد عندك الشعور بالتوتر.

5. الفروقات الثقافية أو الاجتماعية:
• الاختلافات الكبيرة بينك وبين الشخص بتمنعك من القدرة على التواصل بسهولة وبالتالي بتتسبب في الاحساس بعدم الراحة.

ممكن تساعدك استراتيجيات زي التنفس العميق، تأكيد ذاتك، والتركيز على الاستماع بدل من الحديث في التخلص من التوتر عند مقابلة الناس أو التخلص من الخوف من الكلام مع الناس.

أحيانًا بيكون الكلام مع الناس بيسبب شعور غير منطقي من الخوف ودايمًا بيكون عندك سؤال كيف أزيل الخوف من قلبي وببساطة تقدر تنجح في التخلص من التوتر عند مقابلة الناس أو السيطرة على خوف التحدث مع الناس عن طريق:

1.      تحديد مصادر الخوف:

• حدد وافهم الأسباب اللي بتخليك تحس بالخوف زي مثلًا التحدث مع الناس أو التحدث مع شخص معين؛ لأن تحديد أسباب الخوف هي الخطوة الأولى لمواجهتها.

2.      مواجهة المخاوف تدريجياً:

• ابدأ بمواجهة المخاوف الأصغر والأقل إرهاقًا أولاً، بعدها ابدء في مواجهة المخاوف لأكبر، دا هيساعدك تبني الشجاعة والثقة في النفس بالتدريج.

3.      ممارسة التنفس العميق والاسترخاء:

• لو اتحطيت في موقف حسيت فيه بالخوف، خد أنفاس عميقة وبطيئة علشان تهدي جسمك وعقلك وتقلل التوتر.

4.      التركيز على الجوانب الإيجابية:

• حاول تفتكر الأوقات اللي عديت فيها المخاوف / المواقف دي بنجاح في الماضي، وركز على نقاط قوتك والمهارات اللي عندك علشان تتغلب على الخوف.

5.      طلب الدعم من الآخرين:

• اتكلم عن مخاوفك مع شخص موثوق فيه واطلب المساعدة والتشجيع منه؛ لأن الدعم الاجتماعي مهم لتجاوز الخوف.

6.      ممارسة التأمل والصلاة:

• استخدم الممارسات الروحية للحصول على الهدوء والسلام الداخلي؛ لأن دا هيساعدك في إعادة ترتيب أفكارك وشحن طاقتك الإيجابية.

عمومًا الممارسة والصبر، هيساعدوك في التخلص من التوتر والخوف عند مقابلة الناس. خليك عارف دايمًا أن الصبر والشجاعة هما المفتاح الرئيسي للحل والتخلص من التوتر عند مقابلة الناس.

جانب تاني بيسبب التوتر عند مقابلة الناس هو التحدث أمام الجمهور، حيث يقع الخوف من التحدث أمام الجمهور في المركز الأول في قائمة المخاوف على مستوى العالم من ناحية الانتشار لأنه مرتبط بمشاعر أساسية عند كتير من الناس حول العالم.

ومن أهم أسباب الخوف من التحدث أمام الجمهور: الخوف من النقد والحكم أثناء التحدث، القلق من عدم الأداء بشكل جيد وارتكاب الأخطاء، الشعور بالانزعاج والحرج، الخجل والخوف من الاهتمام، بالإضافة لنقص الثقة بالنفس. لكن بالتدريب والممارسة، ممكن التغلب على الخوف دا وتطوير المهارات اللازمة للتحدث أمام الجمهور بثقة وفعالية.

بشكل عام، تجربتي مع الخوف من الناس أو طريقتي في التخلص من التوتر عند مقابلة الناس ممكن تكون غير مشابهة تمامًا لتجربتك أو تجربة باقي الناس؛ علشان كدا دايمًا بننصح أن تجارب مهارات التواصل الاجتماعي دايمًا لازم تكون فردية وذاتية لأن أساليب العلاج اللي ممكن تساعدني ممكن ماتتسببش في أي تطور لحالات تانية والعكس. في بعض الحالات الرهاب الاجتماعي والخوف من التحدث أمام جمهور ممكن يكون مصحوب بوجود وسواس، وبعض الحالات بتكون مجرد مشكلة في الثقة بالنفس فقط علشان كدا مش كل أساليب العلاج بتمشى مع كل الحالات حتى لو المشكلة الظاهرية واحدة لازم يتم التشخيص والعلاج على يد طبيب نفسي أو اخصائيين تعديل السلوك.

وبالنسبة لحالات التوتر المصاحبة للوسواس، ففي العديد من استراتيجيات التخلص من الخوف والوسواس والتخلص من التوتر عند مقابلة الناس بالنسبة لبعض الأشخاص المصابة بالوسواس  بتشبه بشكل كبير استراتيجيات التغلب على الخوف زي

1-      تحديد وفهم الأسباب الجذرية للخوف والوسواس

2-      التنفس العميق والاسترخاء

3-      التركيز على اللحظة الحالية

4-      طلب الدعم والمساعدة

5-      ممارسة الصلاة والتأمل

ونقدر نضيف اتراتيجيتين مهمين جدا في التخلص من الخوف والتوتر زي:

1-      ممارسة التقبل والتسامح: تعلم قبول مشاعرك بدل من إنكارها وخليك لطيف ومتسامح مع نفسك عند احساسك بالخوف أو الوسواس

2-      التخطيط وإدارة الوقت: حدد خطة لمعالجة المهام والمسؤوليات اللي بتتسبب في القلق، ودا هيزود احساسك بالسيطرة على الأمور.

التخلص من الخوف والوسواس محتاج صبر وممارسة مستمرة، ماتتوقعش نتائج فورية، ولكن استمر في التطبيق المنتظم للاستراتيجيات دي علشان تقدر تتخلص منهم.

التخلص من التوتر عند مقابلة الناس و القدرة على التحدث أمام الجمهور مهارات اجتماعية وحياتية مهمة جدًا سواء في الحياة اليومية أو في العمل؛ علشان كدا مهم جدًا تواجه مخاوفك وتستشير أطباء واستشاريين "اسأل" المتخصيين في علاج التوتر والقلق علشان يساعدوك تتغلب على التوتر والرهاب الاجتماعي بأسهل وأسرع طريقة من وأنت في مكانك. سجلى على موقعنا الالكتروني www.esaal.me  واحجز جلستك دلوقتي.