علامات التوحد عند الأطفال عمر سنة ونصف

التوحد موضوع شائك نظرًا لصعوبة تشخيصه واشتراك علاماته وأعراضه مع أعراض لأمراض نفسية تانية، ومع ذلك، من المهم جدًا في حالة الاشتباه بإصابة الطفل بالتوحد عرضه على طبيب مختص للمساعدة في التشخيص الصحيح وبداية العلاج المبكر للطفل واللي بيساعد بشكل كبير في تحسين حالة الطفل ونموه وتطوره الاجتماعي.

علامات التوحد عند الأطفال بتبدأ تظهر من بدري وبتتشابه الأعراض في مختلف المراحل العمرية لكن مع اختلاف كل حالة عن التاني، فمثًلا علامات التوحد عند الأطفال عمر سنة ونصف مش بتختلف كتير عنها في عمر 4 سنين ولكن ممكن تبقى مفصلة أكتر كل ما السن بيكبر. أما بالنسبة للأطفال نفسهم فا مش كل الأطفال ممكن يظهر عليهم كل العلامات المرتبطة بالمرحلة العمرية اللي هما فيها لأن كل حالة بتختلف على حسب طبيعة الحالة والبيئة المحيطة بيها وكمان على حسب درجة طيف التوحد عند الحالة.

علامات التوحد عند الأطفال عمر سنة ونصف ممكن تكون بدائية إلى حدٍ ما لأن قدرات الطفل ومهاراته الاجتماعية بتكون بالفعل لسه بدائية ولكن بتقدم السن وتقدم المهارات بيبتدي يبان ال

في البداية، التوحد أو (اضطراب طيف التوحد) هو مرض عصبي نفسي بيظهر على الطفل من وقت الولادة وحتى بلوغ 3 سنين. سبب التوحد غالًبا بيكون اضطرابات عصبية بتأثر على التواصل والسلوك وبتتسبب في حدوث خلل في التطور الوظيفي للطفل وبتأدي إلى ضعف التفاعل الاجتماعي، والتواصل اللفظي مع تكرار الكلام والبعد عن الناس التعاملات الاجتماعية بالإضافة إلى تشتت الانتباه واضطراب في الحركة.

ممكن تظهر بعض علامات التوحد عند الأطفال عمر سنة ونصف على شكل:

1-   التواصل الاجتماعي

• عدم الاستجابة عند النداء باسمه.

• عدم النظر إلى العين مباشرة.

• عدم الابتسام بشكل عفوي وطبيعي.

• عدم الاشارة بالايد.

• يفضل اللعب بمفرده.

• عدم القدرة على التعبير عن المشاعر أو فهم مشاعر الآخرين.

2-   التطور اللفظي واللغوي

•  عدم القدرة على تكوين جمل متكاملة أو كلمات مفهومة.

•  استخدام لغة جسد غير طبيعية.

•  عدم القدرة على فهم التعليمات البسيطة.

•      عدم اتباع الأوامر.

3-   السلوكيات  والحركات

• الرفرفة بالايد وهز الجسم وتحريكه بشكل متكرر.

• الدوران حول نفسه.

• الانزعاج من التغييرات في الروتين.

• الارتباط  بأشياء ولعب معينة.

• التركيز على التفاصيل البسيطة.

لو لاحظت بعض الأعراض دي أو أغلبها على طفلك وشاكك ان دي علامات التوحد عند الطفل عمر سنة ونصف، مهم جدًا تتواصل مع دكتوره المتابع لأنه أكتر شخص هيقدر يساعدك في تقييم حالة طفلك ويساعدك بكل المعلومات اللازمة عن كيفية التعامل مع طفل التوحد.

أعراض طيف التوحد بعمر 3 سنوات

بالظبط زي علامات التوحد عند الأطفال عمر سنة ونصف، أعراض طيف التوحد بعمر 3 سنوات بتتشابه بنسبة كبيرة مع علامات السنة والنصف ولكن بيزيد عليها بعض العلامات الأكثر دقة وتشعبًا زي:

التواصل الاجتماعي:

•    صعوبة في تكوين صداقات.

• تفضيل اللعب وحيدًا.

•  ايجاد صعوبة في التعبير عن مشاعره أو فهم مشاعر الآخرين.

• عدم القدرة على التواصل البصري.

التواصل:

• تأخر في الكلام.

• صعوبة في فهم اللغة.

• تكرار الكلمات أو العبارات دون فهم معناها.

• صعوبة في اتباع التعليمات.

• صعوبة في التعبير عن احتياجاته.

السلوك:

• حركات متكررة مثل رفرفة اليدين أو هز الجسم.

• اهتمامات محدودة.

• صعوبة في التكيف مع التغييرات.

• نوبات غضب متكررة.

• سلوكيات عدوانية أو إيذاء النفس.

أعراض التوحد في عمر 5 سنوات وأعراض التوحد في عمر 6 سنوات

نفس علامات التوحد عند الأطفال عمر سنة ونصف وأعراض طيف التوحد بعمر 3 سنوات هتتكرر هنا تاني في عمر ال 5 و ال 6 سنوات ولكن مع زيادة تحي جديد وهو مهارات التعلم واللي بنشوف في أعراضه:

• صعوبة في التركيز والانتباه.

• صعوبة في تعلم مهارات جديدة.

• صعوبة في اتباع التعليمات.

• صعوبة في حل المشكلات.

مهم جدًا تستشير الطبيب في حالة قلقك على طفلك من التوحد؛ لأن ممكن مش كل الأطفال المصابين بالتوحد يعانوا من نفس الأعراض، وفي نفس الوقت ممكن أطفال سليمة من التوحد يبان عليها بعض الأعراض الخاصة بالتوحد لأسباب مختلفة من طفل للتاني وبيئة للتانية.

أعراض التوحد عند الرضع

بما أن طيف التوحد ممكن يبدأ يظهر على الطفل من الولادة، وليه علامات زي علامات التوحد عند الأطفال عمر سنة ونصف و 3 و 5 سنوات، كمان في بعض أعراض التوحد عند الرضع اللي ممكن الأهل يبدأوا يلاحظوها على أطفالهم زي:

•       عدم الابتسام بشكل عفوي.

•         عدم الاهتمام بوجه الأم.

•       عدم تفضيل اللعب مع الآخرين.

•        عدم تقليد حركات الوجه.

•     عدم الثرثرة.

•        عدم فهم الكلمات البسيطة.

•       عدم الاستجابة للأصوات.

أعراض التوحد الخفيف عند الأطفال

يعتبر التوحد البسيط أخف درجات التوحد، والطفل المصاب بالتوحد البسيط بيكون عنده القدرة على الدراسة والشغل مع وجود بعض المشاكل في التواصل الاجتماعي والسلوكي؛ علشان كدا التدخل المبكر بيساعد في استقرار الأطفال أصحاب التوحد البسيط وبيساعدهم في تطوير تعاملاتهم الاجتماعية وسلوكياتهم بالإضافة إلى السيطرة على التوحد. علامات التوحد عند الأطفال عمر سنة ونصف و 3 سنوات، و 5 و 6 سنوات بتكون متشابهة بشكل كبير زي باقي علامات التوحد باختلاف القدرة على تعلم المهارات الجديدة.

أعراض تشبه التوحد

التوحد هو اضطراب عصبي يسبب صعوبات في التواصل والتفاعل الاجتماعي والسلوكيات المتكررة وكما ذكرنا، بعض الأطفال السليمة المعافاة ممكن يظهر عليها بعض أعراض التوحد ودي بتكون مجرد أعراض مشابهة فقط زي:

• تأخر النمو:  تأخر النمو ممكن يظهر على هيئة صعوبات في التواصل والتفاعل الاجتماعي، لكن مش بتظهر على الأطفال اللي بيعانوا من تأخر النمو أي أعراض تانية من أعراض التوحد.

• اضطراب نقص الانتباه وفرط النشاط (ADHD): فرط الحركة ممكن يتسبب في صعوبات في التركيز والانتباه ولكن لا يظهر عليهم أي عرض من باقي أعراض التوحد.

• اضطرابات القلق: الأطفال اللي بتعاني من اضطرابات القلق، ممكن يواجهوا صعوبات في التفاعل الاجتماعي، لكن أيضًل مش بيظهر عليهم أعراض توحد تانية.

• اضطرابات طيف الفصام: اضطرابات طيف الفصام أعراضها بتتشابه مع أعراض التوحد، زي الهلاوس والأوهام.

• الإعاقة الذهنية: بطبيعة الحال، الأطفالي اللي بيعانوا من إعاقة ذهنية بيظهر عندهم مشاكل وصعوبات في التواصل والتفاعل الاجتماعي ولكن من الوارد جدًا ان ميظهرش عليهم أي أعراض أخرى للتوحد.

• اضطرابات المعالجة الحسية: الأطفال اللي بيعانوا من اضطرابات المعالجة الحسية ممكن يواجهوا صعوبات في التفاعل مع البيئة المحيطة بيهم.

• الصدمة النفسية: كد فعل للصدمات النفسية، ممكن يظهر على الأطفال أعراض مشابهة للتوحد زي: الانسحاب الاجتماعي وصعوبة في التعبير عن المشاعر.

علامات تنفي التوحد

عكس كل اللي تم ذكره من علامات التوحد عند الأطفال عمر سنة ونصف أو أكبر وأصغر في حالة الرضع، في بعض العلامات اللي بتنفي بشكل كبير وجود التوحد عند الأطفال وهي النقيض تمامًا لعلامات التوحد المذكورة سابقًا في المقال، على سبيل المثال:

التواصل الاجتماعي:

•        استجابة الطفل عند مناداته باسمه.

•        القدرة على النظر إلى العيون.

•       الابتسامة بشكل طبيعي وعفوي.

•        الإشارة بالايد.

•       القدرة على اللعب مع الآخرين.

•       القدرة على فهم مشاعر الآخرين والتعبير عن مشاعره.

التواصل اللفظي واللغوي:

•    القدرة على التكلم بعبارات كاملة.

•       القدرة على فهم معاني الكلمات.

•       استخدام لغة جسد طبيعية.

•       القدرة على فهم لغة الجسد.

•        اتباع الأوامر.

السلوك:

•      عدم إظهار سلوكيات متكررة.

•    عدم مقاومة التغييرات في الروتين.

•      اهتماماته متنوعة وغير محدودة.

•     اللعب بطريقة طبيعية.

خلال المقال دا قدرنا نعرف مع بعض أعراض التوحد عند الرضع، وعلامات التوحد عند الأطفال عمر سنة ونصف، مرورًا بالمراحل العمرية المختلفة زي 3 سنوات، 5 سنوات، و 6 سنوات. كمان قدرنا نعرف أعراض التوحد الخفيف عند الأطفال وايه علامات السلامة من طيف التوحد وأسباب تشابه بعض الأعراض مع أعراض التوحد.

لكن وفي النهاية، مهم جدًا أن يتم تقييم الطفل وحالته على يد طبيب متخصص؛ لتحديد التشخيص الصحيح وإجراء فحص شامل للطفل بالإضافة إلى تطبيق خطط العلاج المقترحة من الطبيب والتحلي بالصبر والتفهم لحالة طفلك سواء كان من أطفال التوحد أو لا.

احجز جلستك دلوقتي من خلال موقع اسأل الالكتروني  واستشير أكتر من 800 دكتور متخصص سواء عن طريق مكالمات الفيديو أو الشات، وكمان هتقدر تتابع مع دكتورك في أي وقت على مدار الساعة بضغطة واحدة وأنت في مكانك.

للاشتراك والحجز، اضغط هنا: www.esaal.me