هل طفل التوحد يضع يده في فمه؟

هل طفل التوحد يضع يده في فمه؟

مهم جدًا أننا نركز مع أطفالنا في المطلق، وفي حالة شكوكنا في اصابتهم بالتوحد هنا لازم نركز معاهم أضعاف؛ لأن كل حركة وعلامة ممكن تبدو بسيطة ومتكررة بين كل الأطفال والرضع في المراحل العمرية المختلفة ممكن يكون ليها مدلولات مختلفة في حالة إصابة الطفل بالتوحد فعلًا.

ومن أهم العلامات اللي ممكن يشترك فيها الأطفال بشكل كبير هي وضع اليد في الفم، فا يجي الأهل يسألوا سؤال مهم وهو هل طفل التوحد يضع يده في فمه زي باقي الأطفال؟

الإجابة: نعم، ممكن جدًا يضع طفل التوحد يده في فمه زي باقي الأطفال ولكن أسباب وضعه يده في فمه بتحمل أبعاد مختلفة عن باقي الأطفال المعافاة. من أهل الأسباب اللي بتؤدي لوضع طفل التوحد يده في فمه هي:

·        الحاجة إلى التحفيز الحسي : ممكن يضع بعض الأطفال أيديهم في أفواههم للحصول على تحفيز حسي.

·        القلق والتوتر:  ممكن يلجأ بعض الأطفال لوضع أيديهم في أفواههم كطريقة للتعامل مع القلق أو التوتر.

·        التكرار: ممكن يضع بعض الأطفال أيديهم في أفواههم بشكل متكرر دون سبب محدد ودا في حد ذاته عرض من أعراض التوحد وهي التكرار

·        صعوبة في التعبير عن المشاعر: ممكن يلجأ بعض الأطفال إلى وضع أيديهم في أفواههم كطريقة للتعبير عن مشاعرهم بسبب عدم قدرتهم على التعبير عن مشاعرهم واحتياجاتهم بطريقة طبيعية.

·        التسنين: قد يضع الأطفال أيديهم في أفواههم لتخفيف ألم التسنين.

لو طفلك بيكرر وضع يده في فمه ولقيت نفسك بتسأل كتير سؤال زي هل يضع طفل التوحد يده في فمه أو هل كدا ابني مصاب بالتوحد، متترددش تستشير طبيب متخصص وتسأله عن رأيه علشان يساعدك في تشخيص طفلك صح.

نصائح للتعامل مع سلوك وضع اليد في الفم:

·        توفير بدائل تحفيزية: قدم لطفلك ألعابًا أو أدوات أخرى يمكنه استخدامها للحصول على تحفيز حسي.

·        معالجة القلق أو التوتر: ساعد طفلك على تعلم كيفية التعامل مع القلق أو التوتر بطرق صحية.

·        توجيه سلوك طفلك: عندما يضع طفلك يده في فمه، قم بتوجيهه بلطف إلى نشاط آخر.

·        التحلي بالصبر والتفهم: تذكر أن تغيير السلوك يستغرق وقتًا.

أسئلة كتير من الأهل بتيجي في نفس السياق، على سبيل المثال: طفلي عمره 3 سنوات ويضع يده في فمه، أو طفلي عمره 5 سنوات ويضع يده في فمه، أو طفلي عمره سبع سنوات ويضع يده في فمه، طيب ياترى ايه الحل؟

حابين نطمن الأهل انه طبيعي الأطفال وخصوصًا خلال سنواتهم الأولى أنهم يضعوا أيديهم في أفواههم؛ لأن في أكتر من سبب ممكن يخليهم يلجأوا لوضع ايديهم في أفواههم كالأسباب اللي تم ذكرها، ولكن لو لاحظتوا ان الفعل دا متكرر بشكل غريب أو مصحوب بأعراض غريبة تانية، دا ممكن يكون مؤشر على وجود مشكلة. لاحظت أن طفلك يضع يده في فمه بشكل متكرر أو مصحوبًا بأعراض أخرى، فقد يكون ذلك علامة على وجود مشكلة.

حركة يد طفل التوحد

هل طفل التوحد يضع يده في فمه؟
هل وضع اليد في الفم من علامات التوحد؟

كل حالة توحد بتختلف من حيث كل النواحي تقريبًا، كمان حركة يد طفل التوحد ممكن تختلف من طفل للتاني.

 بعض الأطفال المصابين بالتوحد ممكن تكون حركاتهم متكررة سواء للايدين أو لأجزاء تانية في الجسم وبيتم الإشارة ليها بـ "التكرارات الحركية" أو "الحركات المتكررة".

بعض الأمثلة على التكرارات الحركية المشتركة عند طفل التوحد:

1. حركة تلوي الأصابع أو تحريكها بشكل متكرر.

2. نفض الايدين بشكل مستمر أو تكرار تحريك الايدين في وضع معين.

3. حركة ترتد الايدين أو الذراعين بشكل متكرر.

4.    حركة تكرار ضرب الايدين معًا.

5.    تكرار حركة ايماءات الايدين الغريبة أو غير العادية.

6.    وضع اليد في الفم بشكل متكرر زيادة عن المألوف.

دلوقتي نقدر عن طريق التعرف على حركة يد طفل التوحد نجاوب على سؤال هل طفل التوحد يضع يده في فمه؟ واللي عرفنا انه وارد الحدوث زيه زي أي طفل سليم ولكن الفكرة في مدى تكرارية الفعل، ودا اللي ممكن يساعدنا أكتر في معرفة إذا كان الفعل عادي وطبيعي ولا مثير للشك وطبعًا بالإضافة لاستشارة الطبيب المتخصص اللي هيقدر يجاوبنا بناءً على التشخيص لحالة الطفل عن هل طفل التوحد يضع يده في فمه أو لا؟

متى يتوقف الطفل عن وضع الأشياء في فمه

كل طفل ليه طور نمو خاص بيه لوحده، كذلك مهاراته العقلية وتطوراته؛ علشان كدا مفيش سن محدد بيتوقف فيه كل الأطفال عن وضع الأشياء في الفم. ولأنه بيعتمد كمان على عوامل مختلفة زي عمر الطفل فمثلًا بيبدأ أغلب الأطفال في التوقف عن وضع الأشياء في الفم بين عمر سنتين وأربع سنين، كمان لو كان وضع الأشياء في الفم مرتبط بسبب زي التسنين، فمن المتوقع ان الطفل هيتوقف عن السلوك دا بمجرد انتهاء السبب، وفي نقطة مهمة جدًا ممكن يغفل عنها البعض وهي أن بعض الأطفال ممكن يحتاجوا لوقت أطول علشان مهاراتهم الحركية تطور ويوصلوا للقدرة على التحكم في حركاتهم ودا ممكن يسبب توقفهم عن وضع الأشياء في أفواههم بالوقت.

وبشكل عام، إذا كان سؤالك هل طفل التوحد يضع يده في فمه هو سؤال دايمًا مطروح وطفلك دايمًا بيضع الأشياء في فمه بشكل متكرر أو مصحوب بأعراض تانية زي: القلق أو التوتر أو صعوبات التعلم، مهم جدًا نرجع للطبيب المتخصص لمساعدتنا.

إزاي أساعد طفلي انه يتوقف عن وضع يده أو الأشياء في فمه؟

"اسأل" هتساعدك في وضع خطة تعديل سلوك وضع الأشياء في الفم لطفلك

أول وأهم خطوة في خطة تعديل السلوك هي  تحديد سبب وضع طفلك الأشياء في فمه واللي تم ذكرها في أعلى المقال (التسنين، التحفيز الحسي، القلق أو التوتر، التكرار، أو عدم القدرة على التعبير عن المشاعر)

بمجرد تحديد السبب، تقدر تبدأ في وضع خطة لتعديل السلوك، ودي أهم الخطوات اللي هتساعدك:

1- أهم خطوة تبدأ بيها هي استشارة طبيب متخصص ووضع خطة تعديل السلوك تحت اشرافه.

2-     قدم لطفلك ألعاب أو أدوات تساعده في الحصول على تحفيز حسي، اتأكد ان الألعاب والأدوات آمنين ومش بيشكلوا أي خطر على الاختناق.

3- ساعد طفلك وعلمه إزاي يتعامل مع القلق أو التوتر بطرق صحية مثلًا عن طريق تمارين الاسترخاء زي التنفس العميق أو اليوجا.

4- غيَر نشاط طفلك بمجرد وضعه يده في فمه بطريقة غير مباشرة وبدون لفت انتباهه للسلوك الخاطئ.

5- افتكر ان تغيير السلوك للأطفال بياخد وقت، خليك صبور وبلاش تعاقب طفلك على وضعه يده أو الأشياء في فمه.

6- كافئ طفلك كلما تغلب على وضع يده أو الأشياء في فمه (مدح أو مكافأة مادية).

طفلي لا يضع الأشياء في فمه

على النقيض تمامًا عن سؤال هل طفل التوحد يضع يده في فمه، بعض الأهل ينتابهم الشك والخوف من عدم وضع أطفالهم للأشياء في أفواههم، وبالمناسبة هو فعل مثير للقلق فعلًا؛ لأن الطفل بطبيعته فضولي ودا جزء من مراحله الاستكشافية والتنموية.

طيب ياترى ليه طفلك بيتجنب وضع الأشياء في فمه؟

·        الحساسية الفموية: ممكن يكون طفلك بيعاني من حساسية تجاه بعض المواد أو الأنسجة ودا بيخليه خايف يضع وضع أي شئ في فمه.

·        صعوبات في التغذية: معاناة الأطفال أثناء الأكل أو الرضاعة ممكن تخليهم يربطوا وضع الأشياء في أفواههم بتجربة سلبية.

·        التأخر في النمو:  عدم وضع الأشياء في الفم ممكن يكون علامة على تأخر في النمو.

·        القلق والتوتر: ممكن يلجأ بعض الأطفال إلى تجنب وضع الأشياء في أفواههم كطريقة للتعامل مع القلق أو التوتر.

أهم النصايح للتعامل مع سلوك عدم وضع الأشياء في الفم:

·        استشر طبيبك: استشارة الطبيب هي أول وأهم خطوة؛ لتحديد سبب عدم وضع طفلك الأشياء في فمه.

·        قدم لطفلك ألعاب وأدوات آمنة: قدم لطفلك ألعاب وأدوات بأنسجة مختلفة لتشجيعه على استكشافها بيده وفمه.

·        خلي وقت الأكل ممتع: خلي وقت الأكل تجربة إيجابية لطفلك.

·        خليك صبور: افتكر ان تغيير السلوك ممكن يستغرق وقت طويل.

·        اتأكد ان طفلك بياخد قسط كافي من النوم.

·        قدم لطفلك وجبات صحية متوازنة.

·        ساعد طفلك على ممارسة الرياضة بانتظام.

·        قلل من تعرض طفلك للضغوطات.

·        خصص وقت تتكلم فيه مع طفلك عن مشاعره.

وبكدا ممكن نكون عرفنا إجابة أبعد وأكثر تشعبًا لسؤال هل طفل التوحد يضع يده في فمه وأن وضع اليد في الفم مش شرط يكون مرتبط بالتوحد ولكن ليه أسباب مختلفة وفي أسباب مختلفة أكتر في سبب عدم وضع الطفل يده في فمه.

علامات تنفي التوحد

في علامات تنفي التوحد بشكل قاطع وتأكد أن طفلك مش بيعاني من التوحد حتى ولو كان بيكرر وضع يده أو الأشياء في فمه ومن أهمها:

• عدم وجود أي سلوكيات صادمة أو أي محاولات لضرر جسدي أو نفسي.

• لا يوجد رهاب اجتماعي.

• القدرة على مشاركة الآخرين والتواصل الاجتماعي الطبيعي.

• سرعة البديهة وفهم المزاح والنكت.

• عدم وجود علامات التوحد.

لو لسه المقال مجاوبش على سؤال هل طفل التوحد يضع يده في فمه، تقدر تحجز جلستك دلوقتي مع دكاترة واستشاريين اسأل اللي هيساعدوك تعرف كل اللي محتاجه عن التوحد وإزاي تشخص طفلك وتتعامل معاه لو مصاب بالتوحد.

زور موقعنا www.esaal.me  واحجز جلستك الأولى دلوقتي.