إيذاء النفس واضطراب الشخصية الحدية: فهم أعمق وعلاج فعّال

اضطراب الشخصية الحدية هو نوع من الاضطرابات النفسية الصعبة اللي بيكون فيها الشخص متقلب المزاج بشكل كبير، وبيواجه مشاكل في علاقاته مع الناس، وبيتصرف أحيانًا بشكل اندفاعي من غير ما يفكر. من أكتر الحاجات اللي بتظهر في الاضطراب ده هي إيذاء النفس، وده بيحصل عند حوالي 65–80% من الناس اللي عندهم الاضطراب، كطريقة للتعامل مع الضغط أو الفراغ اللي بيحسوا بيه.

أسباب إيذاء النفس في اضطراب الشخصية الحدية

اللي بيحصل إن الشخص ما بيعرفش ينظم مشاعره، وده بيخليه يدور على أي طريقة يخفف بيها التوتر أو يعاقب نفسه. بس مش شرط إن إيذاء النفس يعني إن الشخص عايز ينتحر، ساعات بيكون مجرد محاولة منه يفهم نفسه أو يهرب من وجع داخلي.

العلاج النفسي

العلاج بالكلام هو الأساس في التعامل مع اضطراب الشخصية الحدية. فيه نوع اسمه العلاج السلوكي الجدلي  (DBT)  وده فعال جدًا، لأنه بيعلم الشخص إزاي يتحكم في مشاعره، ويقلل من تصرفاته المؤذية، ويحسّن علاقاته. ساعات الدكاترة كمان بيوصفوا أدوية زي مضادات الاكتئاب أو مثبتات المزاج عشان يساعدوا على تخفيف الأعراض.

استراتيجيات المساعدة الذاتية

يمكن للمصابين باضطراب الشخصية الحدية اتباع بعض الاستراتيجيات الذاتية التي تساعد في إدارة الأعراض، مثل:

·         ممارسة التأمل واليقظة الذهنية: بيساعد في زيادة الوعي بالمشاعر والأفكار، وده بيقلل من السلوكيات الاندفاعية.

·         تدوين المشاعر: كتابة اليوميات ممكن تساعد في التعرف على الأنماط السلوكية والمحفزات العاطفية.

·         ممارسة الهوايات: الانخراط في أنشطة ممتعة بيخفف من التوتر ويحسن الحالة المزاجية.

العلاج الدوائي

ما فيش دواء مخصص للاضطراب ده، لكن ممكن الدكتور يوصف أدوية حسب الحالة. الأدوية بتساعد في تهدئة التقلبات المزاجية، القلق، الاكتئاب، أو حتى السلوكيات الخطيرة. وبتكون مفيدة خصوصًا لما الشخص بيعاني من الحالات المتزامنة مع اضطراب الشخصية الحدية، مثل الاكتئاب والقلق، واضطرابات الأكل، وتعاطي المخدرات، والاضطراب ثنائي القطب، وتقليل خطر الانتحار.

الدعم الأسري والمجتمعي

الدعم مهم جدًا. لو الأهل والأصحاب بيفهموا الاضطراب ده، هيقدروا يساعدوا ويوفروا بيئة فيها أمان وراحة. كمان المجموعات الداعمة أو الأنشطة الاجتماعية بتدي إحساس إن الشخص مش لوحده.

التشخيص بدري والمتابعة في العلاج يفرقوا جدًا في حياة الشخص. كل ما العلاج بدأ بدري، كل ما كان فيه فرصة أحسن لبناء حياة مستقرة وعلاقات صحية.

علشان تعرف أكتر عن اضطراب الشخصية الحدية وإزاي تقدر تتعامل معاه، أو تدعم حد تعرفه بيعاني من اضطراب الشخصية الحدية، تقدر تحجز جلسة مع أحد خبراء واستشاريين اسأل النفسيين من خلال اللينك: https://esaal.me/ar/online-consultation?CatId=